أجــمل قـــصائــد الشـــاعر عــــلي بن مســـــــاعد

يارب وش ها الجنون اللي سكن دمي
خلاص مافيه طاري غير طاريها
ماهي مثل ضحكة إعيالي وغلا امي
هي غاليه بس مدري ويش أسميها
مرات كني طفل أقول يا عمي
يلعن أبو الساعة اللي شفتها فيها
وهناك أجلس وأغطي راسي بكمي
وأقول لو ما تجافيني بجافيها
وإن شفتها أذكر الرحمن وأسمي
وأصفي النيه اللي كنت ناويها
هاالآدميه أضيع إن شفتها يمي
وأتوه في كلمتي وأفقد معانيها
لو صرخه في حشاية توصل لفمي
لازعج بها الأرض واللي ساكن فيها
هاتي همومك وحطيها على همي
هي خاربه .. خاربه خليني أعميها




http://www.moq3.com/img/uploads/3iX82239.png (http://www.moq3.com/img/uploads/3iX82239.png)


غصب على عين جرحي أقبل أعذارك
وأسامحك لو نهتني عزتي دونك
كثر الخطايا بحقي زاد مقدارك
مع كل هذا وأخاف إتخونك ظنونك
لا ترتبك لا تحاول تفضح أسرارك
أقراك كلك على بعضك من عيونك
يا حلو طيشك مع إعنادك مع أصرارك
وياقو باسك ونفس الوقت ياهونك
مع كل طاري تجيني آخر أخبارك
وإذا نسيتك تذكرني بك إطعونك
لا جيت أبختار غيرك وأرجع اختارك
ولا جيت اخوانك أزيد عششق وأصونك
عندي خبر جنتي هي بالهوى نارك
بالضبط فيني جنونٍ يشبه جنونك
إترك خطاياك وإترك عنك أعذارك
إنسا عذابي وقلي إنت وشلونك




http://www.moq3.com/img/uploads/Ge982375.png (http://www.moq3.com/img/uploads/Ge982375.png)


ماعاد تفرق معايه كل شيء عادي
أوفيت ما أوفيت منت آخر مشاويري
موتك بقلبي بداية يوم ميلادي
باكر تعدل وتضحك لي مقاديري
جربت مره إعاندك جرب إعنادي
ما يوم قصرت شوف إشلون تقصيري
أموات بأعلى الجبل ولا أموت بالوادي
ولا هين نفسي ولا أتعب فيك تفكيري
ياهوه .. وين إنت رايح وغادي
منت بعشيري ولا أغلى مساييري
لوكان عمري عليك وملحي وزادي
بلاش من هالحياه إيعشها غيري




http://www.moq3.com/img/uploads/yYO83879.png (http://www.moq3.com/img/uploads/yYO83879.png)


بصارحك وإنت سامحني
اللي بقلبي على لساني
يوم أنشغل غصب مو مني
قلبي مع أحد .. ثاني
أحب غيرك وذابحني
هذاك لو بس طالعني
يفتركوني وميزاني
هو تاج راسي ومالكني
بالحب يأمر وينهاني
عقب الغلا مايعبرني
لامر طاف وتعداني
يمرني وما يكلمني
ياطول همي وحرماني
يامن لدربه يوصلني
ضاع ومعه ضاع عنواني



http://www.moq3.com/img/uploads/WP884129.png (http://www.moq3.com/img/uploads/WP884129.png)


على كثر العيون اللي إضحكت لي مابكيت لي عين
بكيت ولا لقيت لدمعتي عين تواسيني
غرقت ولا لقيت لصرختي منهو يمد إيدين
تصوبني سهوم الموت مره وألف تخطيني
أنا وحظي رجعنا كل منا خالي الكفين
على كيف الدهر من وين مايمشي يوديني
ذبحني جرحي اللي ثار بي وأدما من الصوبين
بلاني وين أولي به .. لعب في حسبة أسنيني
خطاي أني وفيت وماعرفت العب على الحبلين
خطاي إني اذا حبيت أحب بكل مافيني
نعم باقي من عيوني لعينك الف دين ودين
لو أجمعها جرح الناس أبقلبك ماتكفيني
أبد ما أتبعه كذاب والله صاحب البالين
وشا اللي أذكره بالخير منك لاجل تهديني
أنا تدرين ربي ماخلقني أتبع المقفين
وربي لو رجعت بكلمتي لاقطع شراييني




http://www.moq3.com/img/uploads/tH484271.png (http://www.moq3.com/img/uploads/tH484271.png)


الصبر وياك محتاج لصبر
يا حبيب الروح هذا مايصير
راح عمري وأنت ماعندك خبر
وإنت ماحددت للعشره مصير
راح عمري وأنت ماعندك خبر
وإنت ماحددت للعشره مصير
كنت أظنك مابقالي من عمر
كنت أشوفك بين كل الناس غير
ولاجنيت إلالتجافي والهجر
ماذكرني قلبك القاسي بخير
من عرفتك ماعرفت إلا السهر
لاتذكرني وللماضي تثير
أيه أبي أنساك لوكنت النظر
صعب أعاشر شخص مايهوى بضمير
ما عرفت أختار والدنيا عبر
أعتراف أن الخطأ .. مني كبير ..
لا تعتذر ما أبي منك عذر
جرحك اللي بالحشا جرح خطير
من صبر يا غلطة أسنيني قدر
علمتني دنيتي الشيء لكثير
الصبر لا تنتظر مني صبر
نفترق هذا هوه الحل الأخير



تحيااااااااااتي